HALI YA BIASHARA KWA SASA KATIKA SOKO LA MANZESE MKOANI MOROGORO

Hali ya vyakula katika msimu huu wa mfungo wa ramadhan katika soko la manzese  Manispaa ya Morogoro, imeshuka bei kutokana na wingi wa upatikanaji wa vyakula hivyo.

 

Mmoja wa wafanyabiashara wa vyakula katika soko hilo ISMAILI RASHIDI amesema kuwa, kushuka kwa bei ya vyakula imekuwa ni hali nzuri iliyopelekea ongezeko la wateja sokoni hapo.

Kwa upande wake mmoja wa wateja  wa vyakula Bi. NAWALI MOHAMEDI amesema kushuka kwa bei ya vyakula, inawasaidia watu wengi kupata mahitaji kwa urahisi pamoja kuwarahisishia baadhi ya watu walio katika mfungo wa ramadhani.

Hata hivyo BI. NAWALI amewaomba wananchi walio katika imani ya Kiislamu kutokuogopa kufunga ramadhani kwa kuhofia kupanda kwa bei ya vyakula kwani vyakula vipo vingi na hupatikana kwa bei nafuu.